water damage 2020 part 2

 November, 12, 2020: Umaga habang nagkakagulo ang lahat gawa ng magbabaha na ay biglang sumulpot ang alaga naming pusa na laging nagagala. Matagal kasing nawawala itong pusang ito sabay bigla nalang ulit susulpot. Habang nagkakagulo na ang lahat sa pag akyat ng mga gamit sa second floor ay panay ang sunod saken ng pusa. Medyo nangangagat kasi ito, so para iwas disgrasya at paturok anti-rabies ay inilalabas ko sya ng bahay para umakyat sa bubong na madalas niyang tambayan. Pero ayaw paring tumigil sa pagsunod sunod. Naisip ko na parang may masamang mangyayari at parang may gustong sabihin yung pusa. Sana wala naman bulong ko sa sarili. So finally, itinaas ko sya sa lamesa  sa labas at balak ko syang balikan upang ilagay sa mas mataas na lugar. So nang napansin ko na medyo mataas na tubig ay binalikan ko sya. Halos pantay na sa lamesa yung tubig ay bigla itong nawala. Nag alala ako na baka nalunod na. Hindi ko rin sure nun kung nakakalangoy ba sa tubig ang pusa since alam na allergic sila sa tubig. Wala na kaming Wify nun hindi ko na na research mataas na tubig at wala ng kuriente.

Mataas nga ang tubig. For the second time after Ondoy ay muling tumungtong ang tubig sa second floor. Pero mas mataas ang tubig nung Ondoy na hangang leeg ko second floor. Si Ulysses ay hangang hita ko lang. Tama ang babala ni alagang pusa.

Kinabukasan ng umaga ay nabalitaan namin na nasawi ang kapitbahay namin na itinuring narin na amo ng pusa namin dahil madalas rin syang pinapakain. Bata palang ako ay kapitbahay na namin si Lola. Hindi ko to naisip, usually kasi pag may baha eh kumakaway samen si Lola kapitbahay mula sa rooftop nila. Ngunit sa baha na ito ay wala sya. Inisip nalang namin na baka nag evacuate na at sinama ng kapitbahay namin.

Marahil ito ang matinding babala ng alaga naming pusa. Thankfully after 13 days after the flood eh muli syang nagpakita. He stayed for two days at ngayon at nawawala na naman.

water damage 2020

 November 12, 2020. Sa hindi inaasahang pagkakataon ay naulit na naman ang baha na umabot sa second floor. Grabe lang talaga ang linisin, hangang ngayon ay hindi pa kami tapos maglinis. Ang mga naipanhik sa second floor na gamit ay inabot rin ng tubig na maputik. Hopefully by mid December eh malinins na lahat. Mas mataas lang tubig noong Ondoy na nasa leeg ko na sa second floor. Itong si Ulysses hangang hita ko sa second floor. 

Nasawi pa yung kapitbahay namin after the Flood. Gawa ng nadulas sa baha at nagka fracture and skull. Rest in peace po.

habagat 2018

Thank you Lord, hindi mo pinaabot ng second floor, kung hindi lagot na naman ng malupet.

Aug 11-12, 2018.

da bride

Yung habang nanood ka ng movie na " The Bride " online, tapos sinasabayan ng mga alulong ng aso sa neighborhood niyo, then you realize anniversary pala ng bagyong Ondoy. I live here in Provident Village. Ambilis ng panahon sobra.

super mario

Ang daming liligpitin at lilinisan. Thank God na mababaw lang. Hangang dib-dib ang tubig sa kalsada.

monsoon del rosario

Before leaving the house:

This car parked outside our house is to be engulfed by water within several hours. Poor owner.

After the monsoon del rosario:

Let the pictures do the talking. What I can say is,me and my family is still lucky.

water damage ( part four )- "titanic"

Lalo pa tumaas ang tubig. Na ilang inches na lang sa dibdib ko. I stand 5'7. Buti nalang at may nakapansin na meron palang lagusan sa banyo ng second floor namin. Lagusan ito papuntang kisame. Agad na tumungtong ang kapatid kong lalake at sinuntok ang lagusan. Agad namang tumalbog ang takip ng lagusan
na mistulang nakapatong lang. Nabuhayan ng loob ang lahat. Inakyat ni Attorney at ng kapatid ko ang kisame.

Kailangan namin ng pang bungkal ng bubong! Kailangan mabutas ang bubong kasi baka ma-trap kaming lahat sa kisame pag tumaas pa ang tubig. Maski na natataranta ang lahat ay we have to think ahead. since about more than 20 feet na ang taas ng tubig.


Agaran akong sumugod sa kuwarto ko na mistula ng swimming pool at lubog na sa tubig putik ang lahat ng naipundar ko. Imagine second floor nasa dibdib na ang tubig baha.

" Nanaginip  ba ako at nag da-dive nako sa kwarto ko?" Ang wika ko sa aking sarili.
Buti na lamang at alam ko kung saan nakalagay ang bakal ng weights at nakapa ko agad ito maski na kulay tsokolate ang tubig.
Bumili kasi ako ng pang bench press a few months before the incident.

Nang nakuha ko ang Bakal ay inabot  ko agad ito sa kapatid ko.
Halos magkasugat sugat ang kamay ng kapatid ko sa paghampas ng yero, pero parang wala. Matibay ang bubong. Dahil lumang na ang bahay namin ay matibay ang yari ng bubungan.
Halos mafold ang bakal na pambungkal. Manipis kasi ang pagkakagawa nito. Bahagya pa lang ang bungkal ang yero.

Hangang tumulong ang kapitbahay namin sa right side. Nasa bubong narin sila. Nilatagni kuya ang hagdanan niya upang tumulay sa bubungan namin.
May dala rin siyang pambungkal. Ayun, sa wakas nabutas narin  ang bubungan namin.

Paglabas ng utol ko sa bubong ay napasigaw siya ng " I'm alive! ".
At dahil malamig ang tubig ay sumunod nito ay ang pag-akyat namin lahat sa kisame. Gamit ang isang lamesa at upuan
ay nakaakyat kami sa kisame ng second floor. At dahil nanigas ang katawan ng lolo ko ay isa siya sa pinakahuling ini-akyat sa
Tinalian namin siya ng mga kumot at tsaka hinatak papunta sa kisame. Buti na lamang at marami kami.

Lahat kami ay nasa kisame na. Lumabas ako sa butas ng bubong kasama ang kapatid ko. Amaambon lang, maliwanag ang sikat ng buwan. Parang eksena sa pilikhulang Titanic. Sa liwanag ng buwan ay kitang-kita ko ang mga kapitbahay na pawang nasa bubungan ng mga second floor nila. Hindi ako makapaniwalang buhay kami at hindi rin ako makapaniwala sa sinaryo na mistulang pelikhula. Nagmistulang Venice Italy ang Provident. Tahimik ang gabi. Maliwanag ang sikat ng buwan. Para talagang eksena sa sine.

Malamig ang simoy ng hangin at umaambon ambon pa. Bumalik na kami sa kisame upang magpahinga.
Eksena sa kisame: Wala na sa sarili ang lolo, marahil narin siguro sa katandaan at wala na na siyang idea kung ano ang nangyari. Akala niya siguro ay nasa tent kami. Dahil higis Tent ang kisame. Kung ano- ano na ang pinagsasabi niya at lahat kami ay pawang natatawa nalang.

Marupok na ang kisame at kailangan at sa mga halige kami nito nakaupo. Hangang medyo nakaidlip na ang karamihan. Nakatulong ang katulong namin at nakalimutan nito na dapat sa haligi lang dapat naka tungtong. Bumigay ang bahagi ng kisame. Just in time na nahawakan ng nanay ko ang kamay niya. Nahulog naman sa tubig ang pinaghirapang isalbang cellphone ni Inday. Ayun nabasa rin ang pinaka-iingat ingatan niya.

At dahil nasa tuhod nalang ang tubig sa second floor ay napagdisyunan na ng iba samin na bumaba na sa kisame. Sosyal ang aso namin at siya lang ang hindi nabasa. Ipinatong kasi siya ng tatay ko sa kama nila. Lumutang ang kama pero basa ang kutsyon. Napagdesisyunan namin ni Mother na matulog doon para makaidlip ng kaunti. First time kong matulog ng katabi ang aso na mayat maya ang dila sa mukha ko.

Nakaidlip rin.

It's amazing na maski medyo hindi gusto ng mga magkakapit-bahay ang isat-isa ay na uunite sila ng mga ganitong pangyayari.

water damage ( part three )- "darkness"

Pag-ahon namin ni Erpats ay tumambad sakin ang Isang Pamiliya. Pamiliya pala ito ni Attorney.
Lumalabas na 14 na kami lahat lahat sa loob ng bahay.

Lahat kami ay busy sa pag dungaw sa bintana.
at pagasikaso sa mga kapitbahay, isa dito ay isang lola na.
Grabe, malapit ng umabot ang tubig sa second floor, mga ilang inches nalang.
Hindi na namin inasahan na tutungtong ng second floor ang tubig.
Nakapagyosi pa ako ng isa. Enough time para mapagmasdan ang mga hitsura namin.
Pagkatapos ng ilang saglit. Ay laking gulat ko na bumubula na ang sahig ng second floor namin.
Hangang dahang dahan itong nagkatubig.

Busy na naman ang lahat sa pag asikaso at pag taas ng mga gamit sa mga patungan.
Inuna ko nang isinalba ang cellphone ko at mga importanteng papeles,
sa pamamagitan ng paglalagay nito sa pinaka tuktok na cabinet.
Mabilis ang tubig, at sa dami ng gamit namin ay hindi na namin alam ang uunahin.
Naisipan ko pang ilagay ang dalawa kong dvd player sa cabinet sa pag-asang hindi ito maabot.
Hindi ko rin naisipang isalba ang book collection ko na sobrang expensive at pawang mga regalo at bigay Including ang mga paranormal books collection ko.
Gawa narin sa napraning na ako. Mabilis ang mga pangyayari at pataas ng pataas ang tubig.

Hangang umabot nato sa bewang namin. Wala na ang mga appliances na pinaghirapan namin itaas, lahat ng appliances ko hindi nakaligtas including yung nasa cabinet. Hoplessly na pinagmasdam namin nalamunin ng tubig ang aming mga electronic prized possesions. Masakit nito ay Apat ang malalaki naming Television, to name a few.
Nilalamig na at naninigas na ang lolo ko. Nagtipon tipon ang karamihan sa kuwarto ng kapatid kong babae.
Ang kapatid kong babae ay wala sa bahay noong mga panahon na iyon. Nasa kaibigan niya somewhere sa QC. Nilagyan ng upuan ang gitnang patungan ng kabinet at doon inupo ang lolo ko.
Habang nakakapit ang dalawang kamay niya sa sabitan ng hanger.

Lubos na nagpapanic ang asawa ng kapatid kong lalaki at kung ano ano na ang mga pumapasok sa isip.
"Sabi ko naman umalis na tayo dito matagal na! " Ang wika niya sa kapatid ko.

"Tulong Tulungan nyo kami ang wika ng babae ng  na nakatira sa likod ng bahay namin. Bakal kasi ang bintana nila sa second floor at imposibleng may labasan. Hangang ngayon ay sariwa parin ang tinig ng babaeng nagmamakaawa kasama ata niya lola o isang sangol. Wala rin kaming magawa dahil maski marami kami ay na trap rin kami sa second floor. Tanaw namin ang  bahay sa kaliwang side na isang bakanteng lote ang pagitan. Nasa bubong na sila ng second floor at may akay pa na bagong silang na baby yung isang babae.
Pilit silang naghahagis ng lubid para tawiran namin ngunit masyado itong malayo. Masyadong malakas ang current ng tubig masyadong
malalim ang tubig. Nagsuggest ako na tumawid kami sa mga bubong. Ngunit imposible na. Lahat ay parang wala na sa sarili.

Biglaang sumulpot ang isang higanteng baboy na buhay pa. Nakatungtong ito sa bubong. Saan kaya galing yung baboy na yun?
sayang! Ilang saglit pa at lumubog na lahat ng appliances namin. At paikot ikot kami sa second floor, inoobserbahan ang tubig
sa lahat ng direksyon. Nakakamangha na nagmistulang orbit ang baboy na palutang-lutang na umiikot sa bahay namin. Nasa kabilang side na siya ng bahay at buhay parin.
Likas na marunong itong mag floating ang baboy.

Samantalang ako'y tahimik lang at na-bla-blanko.
Sa isip ko: " Ito naba ang katapusan naming lahat? Makukulong naba kami dito sa second floor?"
I can still vividly remember how I felt at that moment. Pure hoplessness. The funny thing is hindi ako ganoong natakot. To make things worse ay nagdidilim na. Nagaagaw na ang liwanag sa dilim.

water damage ( part two )- "to the rescue"

" Ayon sa mga sabi-sabi ay isang matandang babae daw ang nanghingi ng inuming tubig sa isa sa mga residente dito sa Provident Village. "
Hindi daw nabigyan ng tubig ang matandang babae. Nagsalita daw ito ng pinagdadamutan mo ako ng tubig bibigyan kita ng maraming tubig. "


September 26, 2009
12:00 pm. Nagising ako sa matinis na tili na aking Nanay " Ayan na ang tubig!" Ayan na!". Tiningnan ko agad ang wallclock.
Tanghali na pero makulimlim parin. Agaran akong bumaba mula second floor. Baha na nga, hangang ankle ko palang ang tubig noon.
"Agad na inutos ni ina na I-turn off ang main power switch ng bahay-upang maiwasang may makuriente. Relax na relax kaming
nagtataas ng mga gamit sa mga lamesa. Sanay na kasi kaming binabaha at hindi na ito bago. Handa na ang pag-kain noon,
at dahil relax lang kami ay nakakain pa kami ng lunch.Sa harapan ng bahay namin sa veranda ay ipinatong ni Erpats ang aso sa ibabaw ng lamesa .
Pagkatapos kumain ay nag-yosi kami at nagkuwentuhan ni utol. relax na relax kami at parang natutuwa pa sa baha.
Mabilis na tumaas ang tubig at nasa tuhod na, Kitang kita namin ni utol na tumaob ang lamesa at mahulog ang aso sa tubig.
Agaran naming kunuha ang aso at dinala sa second floor.

Labis na bumilis ang dating ng tubig at nag-panic/naging busy na kami sa pag-akyat ng mga appliances at kung ano ano pa sa second floor.
Nakuha pa naming ipatong ang Refrigerator sa lamesa. Natapos na kami sa pag-akyat ng mga appliances. Mabilis ang tubig at noong mga time na iyon ay nasa second floor na lahat kami.
Eksakto rin lang ang dating ng Matandang lalake na kabarkada ng tatay ko na walang matakbuhan. dahil bungalow lang ang bahay niya.

Bibili pa sana si utol ng yosi noon ngunit buti nalang at hindi na siya tumuloy kundi baka hindi na siya nakabalik.
Hindi siya ganoon kagaling lumangoy.

Mula sa second floor ay may narinig kaming himihingi ng tulong. Pagdungaw namin sa bintana ay nakita namin ang isang pamilya hiwa-hiwalay na nakakapit sa mga
puno sa bakanteng lote sa tabi ng bahay namin. Malakas ang current ng tubig at tatangayin ka. Agad na bumaba ang kabarkada ni Erpats,
sumonod si Erpats at sumunod ako. Malalim na ang tubig, nasa bibig ko na. Paglabas ko sa gilid na pintuan namin may isang itim na ahas na nakapatong sa
isang lumulutang na bagay. May kalakihan ang ahas at naka striking position na sa kung sino man ang gagambala dito.
Napasigaw ako ng Ahas! Ahas! Nagalit si Erpats " Uunahin mo pa yang ahas may mga nalulunod na dito"
Hindi ko alam kung papano ko nalagpasan ang ahas na withing striking range lang, Habang nililigtas ni Erpats at ng kabarkada niya
ang pamiliya ay inutusan niya akong languyin ang limang garbage bag na lumulutang na palayo. Mahalaga daw ang mga laman nito ayon sa pamilya. Kaya naman mega langoy ako maski na
lagpas na ang tubig sa akin. Nalangoy ko ang apat o limang garbage bag at naipasok ko ito sa bahay. Maski na kakaiba ang current ng tubig at malakas ito.
Pagdating sa panghuling garbage bag ay malalim na ang tubig at lalong lumakas ang current, mahirap ng labanan.
Nakaabang sakin si Erpats na nakatungtong sa harang ng balkonahe ng first floor. Habang lumalangoy ay tinulak ko sa kaniya ang huling garbage bag.
Kinapos ako ng hininga at napagdesisiyonan kong bumuwelo. Dahil narin sa ngawit. Lumubob ako at itinapak ko ang paa ko sa lupa ng Garden namin. Shet ang lalim na nga talaga sobrang
lagpas na sa akin. Lumutang ulit ako pero this time, inabot na ni Erpats ang kamay ko sa pag-aakala niyang malulunod na ako.
Nalangoy ko nga yung limang garbage bag diba? Back and forth san kapa.

Pagpasok namin sa bahay ni Erpats ay Parang eksena sa Titanic na kaunti nalang ang space sa firstfloor bago ito mapuno ng tubig
Ang importante ay nakaabot pa kami sa second floor bago mapuno ng tubig ang first floor.
Kung nagtagal pa kami ng kaunti ay marahil naipit na kami sa first floor.

water damage ( part one )- "the day"

September 25, 2009
4 a.m. Dalawang oras na lang at matatapos na ang shift ko sa callcenter na pinagtratrabahuhan ko.
Masakit sa ulo ang trabahong ito, gawa ng walong oras ka tatangap ng tawag na walang humpay. Wala naman akong choice kun di
tiisin ang trabaho dahil maayos naman ang suweldo. Yunga lang every minute ng trabahong ito ay parang impyerno.

5:45 a.m. Kasalukuyan akong nasa telepono may kausap na customer. Maya't-maya ang tingin ko sa Avaya phone."Sa wakas,
matatapos narin tong shift ko, 15 minutes na lang! Habang nakikipag-dibate ako sa kausap kong Canadian ay pansin ko ang
kakaibang buhos ng ulan. Mistulang mga bato na walang humpay na bagsak ng tubig sa bubungan ng aming opisina. ( Second floor lang kasi, kaya rinig na rinig ko )
Hindi ako nag-alala noong mga panahon iyon, bagkos ako'y na mangha pa. Noon lang kasi ako nakarinig ng ganoong katinding buhos ng ulan na mistulang galit na galit.

Matagal ko nang pinangarap mag-trabaho sa kumpaniyang iyon at nung nandoon na ako ay na-realize ko na hindi pala biro,
ang trabaho, sobrang hirap, at dahil labis akong nahirapan pinangako ko sa sarili ko na mag-titiis na lang ako, mahirap maghanap ng trabahong malapit sa amin.
Anim na buwan lang ang target ko na magstay doon. For the sake of experience lang.

6:00 a.m. Sa wakas tapos na naman ang 9 hours na kalbariyo. Hirap tumangap ng tawag ng walang hinto. Nakakabaliw.
Katabi lang mismo ng opisina ko ang Marikina River, pag-labas mo sa opisina ay tanaw na tanaw mo na ang ilog.
Pag labas ko noon umagang iyon ay napansin kong mataas ang tubig sa ilog at umabot na ito sa mga lakaran sa gilid ng ilog.
Ngunit pinagsawalang bahala ko lang ito dahil, sanay na akong makitang ganoon ang ilog tuwing tag-ulan.

Nabuburiyo na ako sa buhay ko noon at walang ginawa kundi matulog at pumasok sa trabahong kasumpa-sumpa. Kaya bilang
aliw sa sarili ay nagtrip akong lakarin ang Riverbanks hangang Palengke at dahil malamig ang panahon at huminto na ang ulan
ay nilakad ko ito. Isa sa mga stress reliever ko ang paglalakad ng malayo. Layunin ko noong mamakyaw ng pirated DVD's. Hindi
ko ramdam ang pagod ng paglalakad mas dihamak na nakakapagod na tumangap ng tawag na walang hinto ng walong na oras.
Pag dating ko ng tulay ng Marikina, napansin ko ulit na mas lumala na ang tubig sa ilog, parang medyo mas malala siya. Pinagwalang bahala ko na lang ulit..

Palagpas ng tulay ng Marikina ay palengke na, agad akong nagtungo sa bilihan ng mga DVD. Pagkatapos makapili ng DVD ay agad
akong nagtungo sa pinakamalapit na grocery upang namili ng mga paborito kong snack na lagi kong ginagawa pag-sukdulan na
sa kaluluwa ang stress, kung baga reward ko sa sarili ko. Hindi nawawala sa listahan ang Oreo at Picnic in Ketchup.
Pagkatapos noon ay agaran akong sumakay na ng jeepney papauwi.

Masarap ang panahon, malamig, madilim ang langit, ganoon ang tipo kong klima.
Nanood muna ako ng DVD ni Celine Dion. A new day live in Las Vegas. Halos araw-araw ko itong panapanood noong mga panahong iyon.
Pagkatapos ng ilang kanta ay pinatay ko na ang TV at ang bago kong biling DVD player.Hangang nakatulog nako.
Wala akong kaalam alam na Isang matinding kaganapan ang kahaharapin ko pagkagicing ko.

Bumuhos ulit ang pagkalakas lakas na ulan at mabilis na akong nakatulog.